Lög félagsins

Drög að nýjum lögum eru neðst á síðu

Lög MG-félags Íslands

1 .gr.

Félagið heitir M.G. félag Íslands. (The Myasthenia Gravis Society of Iceland)

2. gr.

Heimili og varnarþing er í Reykjavík.

3. gr.

M.G. félag Íslands er félag Myasthenia Gravis (Vöðvaslensfár) sjúklinga á Íslandi svo og þeirra sem áhuga hafa á félagsaðild. Félagið stefnir að því að taka þátt í samvinnu erlendra M.G. félaga á Norðurlöndum og í Evrópu.

4. gr.

Markmið félagsins eru þessi:

a) að afla upplýsinga um hverjir eru M.G. sjúklingar á Íslandi, hagi þeirra og þarfir.

b) að auka kynni og samstöðu M.G. sjúklinga.

c) að afla upplýsinga um M.G. sjúkdóminn, eðli hans og meðferðarmöguleika.

d) að stuðla að auknum rannsóknum á M.G. sjúkdómnum.

e) að beita sér fyrir bættri meðferð og aðstöðu M.G. sjúklinga.

f) að miðla upplýsingum um M.G. sjúkdóminn til M.G. sjúklinga, aðstandenda, heilbrigðisstétta, stjórnvalda og almennings.

g) að vera í forsvari fyrir M.G. sjúklinga gagnvart stjórnvöldum og almenningi , svo og hliðstæðum félögum hér á landi og erlendis.

h) kynna M.G. sjúklingum hvar aðstæður eru til ferðalaga, starfa, þjálfunar, skemmtana og dvalar fyrir hreyfihamlaða.

i) að vinna á annan hátt að bættri líðan og aðstöðu M.G. sjúklinga.

5. gr.

M.G. félag Íslands hyggst vinna að markmiðum sínum með því að efna til funda til kynningar, fræðslu og skemmtunar, útgáfu bæklinga um málefni M.G. sjúklinga, með þátttöku í störfum með hliðstæðum félögum , upplýsingagjöf til stjórnvalda og almennings, fjáröflun og á hvern hann hátt, sem að gagni kemur.

6. gr.

Stjórn félagsins skal skipuð þremur mönnum, formanni, gjaldkera og ritara svo og tveimur til vara. Kjósa skal stjórn og tvo skoðunarmenn til eins árs.

7. gr.

M.G. félagið rita þrír stjórnarmenn sameiginlega, en óheimilt er að skuldbinda félagið umfram eignir þess.

8. gr.

Stjórnarfundi í M.G. félagi Íslands skal halda þegar þurfa þykir og skal boða varamenn á fund einnig.

9. gr.

Halda skal gerðarbók um störf á félags-og stjórnarfundum.

10. gr.

Reikningsár félagsins er almanaksárið.

11 .gr.

Aðalfundi félagsins skal halda eigi síðar en í maí árlega.

12. gr.

Aðalfundi félagsins skal boða með viku fyrirvara i fjölmiðlum svo og bréflega til allra félagsmanna.

13. gr.

Á aðalfundi skulu þessi mál tekin fyrir:

1. Skýrsla stjórnarformanns.
2. Lagðir fram ársreikningar félagsins fyrir næstliðið ár, áritaðir af stjórnarmönnum og skoðunarmönnum, til afgreiðslu.
3. Lagabreytingar
4. Kosning stjórnar og tveggja
5. Kosning tveggja skoðunarmanna.
6. Ákvörðun félagsgjalda.
7. Önnur mál.

14. gr.

Hver félagsmaður hefur eitt atkvæði á félagsfundum. Samþykktum félagsins má aðeins breyta á aðalfundum félagsins, enda hafi þess verið getið i fundarboði. Þarf til þrjá fimmtu hluta greiddra atkvæða.

15. gr.

Til þess að leggja félagið niður þarf samþykki tveggja félagsfunda og sé annar aðalfundur. Skulu félagsslitin samþykkt með a.m.k. 4/5 hlutum greiddra atkvæða á hvorum fundi. Geta skal sérstaklega tillagna um félagsslit í fundarboðum. Verði félagið lagt niður, skal eignum þess ráðstafað til Öryrkjabandalags Íslands Reykjavík.

 

 

 

Drög að nýjum lögum sem lögð verða fyrir aðalfund 2025

Lög MG félags Íslands

 

1 . grein

Félagið heitir MG félag Íslands. (The Myasthenia Gravis association of Iceland). Heimili þess og varnarþing er í Reykjavík. Félagið er aðili að ÖBI réttingasamtökum svo og alþjóðlegum samtökum MG félaga.

 

2 . grein

Tilgangur félagsins er að vinna að fræðslu um MG sjúkdóminn (Myasthenia Gravis) og velferð MG sjúklinga, með því að veita aðstoð, stuðning, fræðslu. Félagið er málsvari gagnvart hinu opinbera og öðrum aðilum.

Markmið félagsins eru þessi:

1. að auka kynni og samstöðu MG sjúklinga.
2. að afla upplýsinga um MG sjúkdóminn, eðli hans og meðferðarmöguleika.
3. Að miðla upplýsingum um MG sjúkdóminn til MG sjúklinga, aðstandenda, heilbrigðisstétta, stjórnvalda og almennings.
4. að stuðla að auknum rannsóknum á MG sjúkdómnum.
5. að beita sér fyrir bættri meðferð og aðstöðu MG sjúklinga.
6. að vera í forsvari fyrir MG sjúklinga gagnvart stjórnvöldum og almenningi , svo og hliðstæðum félögum hér á landi og erlendis.
7. Að eiga samstarf við önnur félög af svipuðum toga hérlendis og erlendis.

3 . grein

MG félag Íslands er félag MG sjúklinga á Íslandi svo og þeirra sem áhuga hafa á félagsaðild.

 

4 . grein

Félagið aflar tekna með árgjöldum félagsmanna, gjöfum og styrkjum sem því kann að áskotnast. Tekjur félagsins renna til almennrar félagstarfsemi, fræðslu, stuðning, reksturs og hagsmunagæslu.

 

5 . grein

MG félag Íslands hyggst vinna að markmiðum sínum með því að efna til funda til kynningar, fræðslu og skemmtunar. Útgáfu bæklinga um málefni MG sjúklinga, með þátttöku í störfum með hliðstæðum félögum, upplýsingagjöf til stjórnvalda og almennings, fjáröflun og á hvern þann hátt, sem að gagni kemur.

 

6 . grein

Aðalfundur fer með æðsta vald í málefnum félagsins og skal haldinn eigi síðar en í maí ár hvert.

 

Aðalfundur er löglegur sé til hans boðað með sannanlegum hætti með í það minnsta viku fyrirvara og skal dagskrá aðalfundar tilgreind í fundarboði. Fundarstaður og fundartími skal tilgreina í fundarboði. Fari fundur fram að hluta eða alfarið um fjarfundarbúnað skal þess getið í fundarboði.

 

Atkvæðisrétt á aðalfundi hafa þeir sem eru skráðir í félagið og skulu aðilar vera skuldlausir við félagið. Ritari og gjaldkeri skulu kanna kjörgengi fundarmanna við upphaf fundar. Hver atkvæðisbær félagsmaður hefur eitt atkvæði á félagsfundinum og ræður afl atkvæða úrslitum mála, nema annað sé getið í lögum félagsins.   Samþykktum félagsins má aðeins breyta á aðalfundum félagsins, enda hafi þess verið getið i fundarboði. Þarf til meirihluta atkvæða.

 

7 . grein

Á aðalfundi skulu þessi mál vera tekin til meðferðar:

1. Kosning fundarstjóra og fundarritara.
2. Skýrsla stjórnar.
3. Ársreikningar félagsins lagðir fram.
4. Upphæð árgjalds ákveðin.
5. Samþykktar breytingar.
6. Kosning stjórnar
7. Kosning tveggja skoðunarmanna reikninga.
8. Önnur mál.

 

8 . grein

Stjórn félagsins skal skipuð þremur mönnum, formanni, gjaldkera, ritara og tveimur til vara. Kjósa skal stjórn og skoðunarmenn til eins árs í senn.

 

9 . grein

Stjórn setur reglur er varða ferðir og dvalarkostnað vegna ferða fulltrúa félagsins á ráðstefnur og fundi sem stjórn hefur samþykkt þátttöku í.

 

10 . grein

Boða skal til aukaaðalfundar svo fljótt sem auðið er ef meirihluti stjórnar eða a.m.k. fjórðungur félagsmanna fer fram á það skriflega og leggur fram tillögu að dagskrá.

 

Stjórnarfundi í MG félagi Íslands skal halda þegar þurfa þykir og skal boða varamenn á fund einnig. Formaður sér um að boða til stjórnarfunda en þá skal halda eigi sjaldnar er tvisvar á ári. Stjórnarfundi skal einnig halda ef í það minnst tveir stjórnarmenn krefjast þess. Stjórnarfundur er löglegur og ályktunarbær ef þrír stjórnarmenn eða varamenn sækja fundinn. Afl atkvæða ræður úrslitum á stjórnarfundum. Boða skal til stjórnarfunda með að lámarki þriggja daga fyrirvara. Halda skal gerðarbók um störf á félags-og stjórnarfundum.

 

11 . grein

Stjórnin ræður málefnum félagsins milli aðalfunda með þeim takmörkunum sem lög þess setja. Bannað er að skuldsetja félagið umfram eignir þess. Stjórn ritar firma félagsins.

 

12 . grein

Lögum félagsins má breyta á aðalfundi eða aukaaðalfundi með samþykki meirihluta greiddra atkvæða. Tillögur til lagabreytinga skulu kynntar í fundarboði.

 

13 . grein

Reikningsár félagsins er almanaksárið. Reikningar skulu skoðaðir af tveimur skoðunarmönnum sem aðalfundur kýs.

 

14 . grein

Til þess að leggja félagið niður þarf samþykki tveggja félagsfunda og sé annar aðalfundur. Skulu félagsslitin samþykkt með a.m.k. 4/5 hlutum greiddra atkvæða á hvorum fundi. Geta skal sérstaklega tillagna um félagsslit í fundarboðum. Verði félagið lagt niður, skal eignum þess ráðstafað til ÖBÍ réttindasamtaka.

 

15 . grein

Þessi lög voru þannig samþykkt á aðalfundi MG félagsins 22.05.2025 og falla þá jafnframt eldri lög úr gildi. (á eftir að samþykkja)